ಸ್ವಾಮಿ ಕೊರಗಜ್ಜ ದೈವದ ಪಾಡ್ದನೊದ ಕತೆ :-
ಪಣಂಬೂರುಡು ಓಡಿ ಬೊಕ್ಕ ಅಚ್ಚು ಮೈರೆದಿ ಪನುಪುನ ಕೊರಗ ದಂಪತಿಲೆಗ್ ಒಂಜಿ ಆನ್ ಬಾಲೆ ಪುಟ್ಂಡುಗೆ ಅಯಗ್ ತನಿಯ ಪನ್ಪುನ ಪುದರ್ನ್ ದೀಪೆರ್ಗೆ. ತನಿಯೆ ಮುಪ್ಪ ದಿನತ ಬಾಲೆ ಇಪ್ಪುನಗ ಅಯನ ಅಪ್ಪೆಲ ಅಮ್ಮೆಲ ತೀರ್ ಪೊಪೆರ್ಗೆ ಏಲ್ ಕೊಪ್ಪದ ದೊಲ್ ಬೂರ್ದ ಪೊವನಗ.ತನಿಯೆ ಅನಾಥೆ ಆದ್ ಬುಲಿತೊಂದು ಇಪ್ಪುನಗ ಬೈದರೆ ಜಾತಿಗ್ ಸೇರ್ನ ಮೈರಕ್ಕ ಬೈದೆದಿ ಬೊಕ್ಕ ಅರೆನ ಮಗೆ ಚೆನ್ನಯ್ಯನ್ ತೂಪೆಗೆ ತನಿಯೆ.ಅರೆಡ ಅಮ್ಮ ಯೆಂಕ್ ಒಂಜಿ ಕುಂಟು ಕೊರ್ಲೆ ಪಂದ್ ಕೆನ್ನಗ ಆರ್ ತನ್ನ ಕುಜಲ್ಗ ಕಟ್ದಿನ ಕುಂಟುನೆ ಗೆತ್ತುದ್ ಬಾಲೆಗ್ ಕೊರ್ದು ಬಾಲೆನ್ ತನ್ನ ಒಟ್ಟುಗು ಲೆಸೊಂದು ಪೊಪೆರ್ಗೆ ಮೈಲಾರಕ್ಕೆ ಕಸುಬುಡ್ ಕಲಿನ್ ಮಾರುನಾರ್. ಇಂಚ ಇಪ್ಪುನಗ ತನಿಯಡ ಒಂಜಿ ದಿನ ತಾನ್ ಪತೊಂದು ಬೈದಿನ ಕಲಿನ್ ಮಂಡೆಗ್ ದಿಂಜವೆರೆಗ್ ಪನ್ಪೆರ್ಗೆ. ತನಿಯೆ ಕಲಿನ್ ಜಿಂಜಾವೆಗೆ.ಆಂಡಾ ತನಿಯೆ ದಿಂಜಾಯಿನ ಕಲಿ ಏಲ್ ರಾತ್ರಿ ಏಲ್ ಪಗೆಲ್ ಕರಿಂಡಲ ಕಾಲಿ ಆಪುಜಿಗೆ. ಆಕೇರಿಗ್ ಮೈರಕ್ಕೆ ಕದ್ರಿದ ಮಂಜುನಾಥ ದೇವೆರೆಗ್ ಕಲಿ ಪೂರಾ ಕಾಲಿಯಾದ್ ಪೊಂಡ ಕಂಚಿದ ಪೊಡಕೆನ್ ಒಪ್ಪಾವೆ ಪಂದ್ ಪರಕೆ ಪನ್ಪೆರ್ಗೆ.ಅದಗ ಕಲಿ ಪೂರಾ ಕಾಲಿಯಾದ್ ಪೊಪುಂಡ್ಗೆ. ಕಲಿ ಖಾಲಿಯಾಯಿನ ಖುಷಿಟ್ ತನಿಯಗ್ ಒಂಜಿ ಪಾಲೆದ ಕೊರಂಬುನು ಮಲ್ತ್ ಕೊರ್ಪೆರ್ಗೆ.ತನಿಯೆ ಕಾಲದ ಕಟ್ಟ್ ಪ್ರಕಾರ ಜವನೆ ಆನೆಗೆ ಕದ್ರಿಗ್ ಪಂತಿನ ಪರಕೆದ ಪ್ರಕಾರ ಮೈಲಾರಕ್ಕೆ ಬೈದೆದಿ ಕಂಚಿದ ಪೊಡಕೆನ್ ಮಲ್ಪವೆರ್ ಅವೆನ್ ದೆರ್ಪೆರೆಗ್ ಏಲ್ ಜನ ತುಂಬುನ ಪರಕೆನ್ ಒರಿಯೆ ತುಂಬೊಂದು ಪೊದ್ ಕದ್ರಿದ ದೇವಸ್ಥಾನದ ಪಿದಯಿಡ್ ಉಂತುದು ಪರಕೆನ್ ಉಲಯಿ ದಕ್ಕುವೆಗೆ ಮಾತೆರೆಲ ಉಂದೆನ್ ತೂದು ಆಶ್ಚರ್ಯ ಆಪುಂಡುಗೆ ತನಿಯೆ ಒರಿ ಅಸಮಾನ್ಯ ಶಕ್ತಿ ಪಂದ್ ಮತೆರೆಗ್ಲ ತೆರಿಂಡ್ಗೆ.ದೇವಸ್ಥಾನದ ಪಿದಯಿಡ್ ಮಾಪಳ ಪರುಂದ್ ಇಪ್ಪುಂಡುಗೆ ತನ್ನ ಬುಡೆದಿಗ್ ಪ್ರೀತಿ ಪಂದ್ ಅಯಿನ್ ಕೊಯಿನಗ ಮಾಯ ಆದ್ ಮಾಯಕದ ಕಲ್ಲಾದ್ ಅಲ್ಪ ನೆಲೆಯಾದ್ ತುಳುನಾಡ್ದ ಕಾರ್ನಿಕದ ಶಕ್ತಿಯಾದ್ ಮೆರೆಯೊಂದು ಸೇರ್ಪಡೆಗೆ ಪಂದ್ ಒಂಜಿ ಪಾಡ್ದನ ಪನ್ಪುಂಡು.ಕುಡೊಂಜಿ ಪಾಡ್ದನ ಪ್ರಕಾರ ಮಾಪಳ ಪರುಂದ್ ನ್ ಕೊಯಿನಗ ಬ್ರಾಣೇರ್ ಕಡ್ಥ ಕೆರಿಯೆರ್.ಬೊಕ್ಕ ಅಕ್ಲೆಗ್ ದೋಷ ತೋಜಿದ್ ಕೊರಗಜ್ಜ ಪುದರ್ಡ್ ನಂಬುವೆರ್ಗೆ.ಸುರು ಸುರುಕು ಕೊರಗ್ಗೆರ್ ನಕ್ಲೆಗ್ ಮಾತ್ರ ದೈವ ಅದ್ ಇತ್ತಿನ ಕೊರಗಜ್ಜೆ,ಇನಿ ಕೊಡೆದ ದಿನೊಟು ಜಾತಿ, ಮತ ಬೇಧ ಇಜ್ಜಂದೆ ಮಾತೆರ್ಲ ನಂಬುನ,ಅಯ್ಯ ಪಂದ್ ಲೆತ್ತೊಂಡ ಓ ಕೊನೊಂದು ಪಾರವುನ ಕಾರ್ನಿಕದ ಶಕ್ತಿಯಾದ್ ಧರ್ಮ ದೈವ ಕೋರಗಜ್ಜ ಪಂದ್ ಮೆರೆಯೊಂದು ಬರ್ಪೆಗೆ.
No comments:
Post a Comment